Мирзачўл туманининг собиқ ҳокими Комил Холмуродов Жиззах шаҳрининг янги ҳокими этиб тайинланди. Бу ҳақда вилоят ҳокимлиги матбуот хизмати хабар берди.
19 январь куни Халқ депутатлари Жиззах шаҳар Кенгашининг навбатдан ташқари сессияси ўтказилган. Сессия кун тартибидаги масала бўйича вилоят ҳокими Эргаш Солиев сўзга чиқиб, Жиззах шаҳар ҳокими лавозимида ишлаб келаётган Акбар Шукуров бошқа лавозимга ўтгани муносабати билан, Жиззах шаҳар ҳокими лавозимига Комил Холмуродов номзодини тавсия этган.
Ушбу таклиф Халқ депутатлари Жиззах шаҳар Кенгаши депутатлари томонидан маъқулланган. Комил Холмуродов Халқ депутатлари Мирзачўл туман Кенгашининг навбатдан ташқари сессиясида туман ҳокими лавозимидан озод этилган эди.
Мирзачўл туманига эса шу пайтгача «Агробанк» АТБнинг Жиззах вилояти бошқармаси бошлиғи лавозимида ишлаб келаётган Шерзод Аҳмедов ҳоким этиб тайинланган.
Аввалроқ Жиззах вилоятининг Зафаробод ва Фориш туманларига ҳам янги ҳоким тайинлангани ҳақида хабар берилган эди.
Изоҳ (0)