ИИВ ДЙҲХХ органлари томонидан автотранспорт воситаларидан уларнинг ойнасининг тусини ўзгартириб (қорайтириб) фойдаланиш учун берилган рухсатномалар сони ва у орқали ундирилган маблағлар тўғрисида маълумот берилди, деб хабар қилади ЎзА.
Эслатиб ўтамиз, Вазирлар Маҳкамасининг 2020 йил 9 октябрдаги 635-сон қарори (енгил шахсий автомобилларни орқа ён ойналарини тусини ўзгартириш (қорайтириш) БҲМнинг 10 бараваридан — 2,23 миллион сўмдан БҲМнинг 5 бараварига, яъни 1,115 миллион сўмга ўзгартирилган) кучга кирган.
Шу сабаб, фуқаролар томонидан автомобилларни орқа ён ойналарини қорайтиришга талаб ортиб кетган, яъни илгари бир кунда ўртача 120 та рухсатнома берилган бўлса, қарор кучга киргач, бир кунда ўртача 320 та рухсатнома берила бошланган.
ИИВ ДЙҲХХ органлари томонидан автотранспорт воситаларидан уларнинг ойнасини қорайтириш учун:
- 2019 йил 5 августдан (646-сонли қарор кучга киргандан сўнг) 2019 йил 31 декабрь кунига қадар 31 367 та рухсатнома берилиб, жами 113 миллиард 980 миллион сўм пул маблағлари;
- 2020 йил 1 январдан 31 декабрь кунига қадар 50 758 та рухсатнома берилиб, жами 188 миллиард 395 миллион сўм пул маблағлари;
- 2020 йил 1 январдан 9 октябрь кунига қадар 28 326 та рухсатнома берилиб, жами 135 миллиард 638 миллион сўм пул маблағлари;
- 2020 йил 10 октябрдан (635-сонли қарор кучга киргандан сўнг) 31 декабрь кунига қадар 22 432 та рухсатнома берилиб, жами 52 миллиард 757 миллион сўм пул маблағлари тўланган;
- 2019 йил 5 августдан 2020 йил 31 декабрь кунига қадар 82 125 та рухсатнома берилиб, жами 302 миллиард 635 миллион сўм пул маблағлари ҳукумат қарорига асосан тўлов сифатида ундирилган.
Изоҳ (0)