Каратэ WKF бўйича Ўзбекистон терма жамоаси аъзоси, Осиё чемпиони Нодира Жуманиёзова 4 йилга дисквалификация қилинди. Бу ҳақда Ўзбекистон антидопинг агентлиги хабар қилмоқда.
Нодира Жуманиёзованинг 2019 йилда Тошкентда ўтган Осиё чемпионатидан кейин топширган тести таҳлиллари асосида спортчида тақиқланган модда (метастерон) борлиги аниқланган. Ўша мусобақада ўзбекистонлик спортчи каратэ кумите йўналиши бўйича олтин медални қўлга киритганди.
Халқаро каратэ федерацияси тартиб-интизом қўмитаси қарорига кўра, Жуманиёзова 4 йил муддатга дисквалификация қилинди.
Дисквалификация муддати 2023 йилнинг 26 августига қадар давом этади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)