Футбол бўйича Испания Суперкубоги финали доирасида «Барселона» «Атлетик Б»га қарши баҳс олиб борди ва 2:3 ҳисобида ютқазди.
Учрашувнинг 120-дақиқасида каталонлар ҳужумчиси Лео Месси майдондан четлатилди. Беллашув ҳаками Хесус Хил Мансано аргентиналик ҳужумчига рақиб форварди Асер Вильялибренинг юзига урганлиги сабаб қизил карточка кўрсатди.
Месси «Барселона» сафида 753 та ўйинда илк бор қизил карточка олди. Қайд этиш жоиз, ҳакам Леони видеотакрорлардан сўнг четлатди.
Маълумот учун, Месси бунга қадар Аргентина терма жамоаси сафида икки бор қизил карточка олган.
«Барселона»—«Атлетик Б» учрашуви шарҳини бу ерда томоша қилиш мумкин — видео.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)