Футбол бўйича Англия Премьер Лигасининг 19-турида «Манчестер Сити» 17 январь, якшанба куни «Кристал Пэлас»ни қабул қилди.
Учрашувнинг 26-дақиқасида Жон Стоунз «шаҳарликлар»нинг дастлабки голини урди. Иккинчи бўлимда майдон эгалари яна уч бор лондонликлар дарвозасини ишғол қилди.
Бўлим дебютида Илкай Гундоған ўз ҳисобига гол ёздириб қўйган бўлса, 68-дақиқада Стоунз дубль қайд этди. Ўйин якунланиши арафасида Раҳим Стерлинг якуний ҳисобни ўрнатди — 4:0.
«Манчестер Сити» очколарини 35 тага етказиб олган ҳолда иккинчи ўринга кўтарилди. Битта захира ўйинига эга Пеп Гвардиола шогирдлари пешқадам «Манчестер Юнайтед»дан икки очкога ортда қолмоқда.
АПЛ
19-тур баҳси
17 январь, якшанба
«Манчестер Сити» — «Кристал Пэлас» 4:0
Голлар: 1:0 – 26 Стоунз, 2:0 – 56 Гундўған, 3:0 – 68 Стоунз, 4:0 – 88 Стерлинг.«Манчестер Сити»: Эдерсон, Стоунз, Уокер, Рубен Диаш, Зинченко, Фернандиньо, Гундўған (Ферран Торрес, 71), Бернарду Сильва (Фоден, 60), де Брюйне (Жоау Канселу, 71), Стерлинг, Габриэль Жезус.
«Кристал Пэлас»: Гуаита, Томкинс, Кейҳилл, Митчелл, Уорд, Эзе, Макартур, Маккарти, Миливоевич (Ридевалд, 68), Таунсенд (Бацҳуайи, 79), Айю.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)