Ўзбекистон Президентининг тегишли фармойиши билан барча вилоятларга янги суд раислари тайинланди. Бу ҳақда «Дарё»га Судьялар олий кенгаши матбуот хизмати маълум қилди.
Тайинловлар Ўзбекистон Президентининг 2020 йил 24 июлдаги «Судлар фаолиятини янада такомиллаштириш ва одил судлов самарадорлигини оширишга доир қўшимча чора-тадбирлар тўғрисида»ги фармони билан суд тизимининг ташкилий-тузилмасига ўзгартишлар киритилгани ортидан амалга оширилди.
Мазкур фармонга мувофиқ, 2021 йилнинг 1 январидан вилоят ва унга тенглаштирилган жиноят, фуқаролик ва иқтисодий судлари негизида Қорақалпоғистон, вилоятлар ва Тошкент шаҳар судлари ташкил этилди.
Давлат раҳбарининг тегишли фармойишига кўра:
Ўткиржон Жумаев беш йил муддатга Жиззах вилоят судининг раиси лавозимига тайинланди.
Ў. Жумаев 1975 йилда туғилган. Тайинловга қадар жиноят ишлари бўйича Жиззах вилоят суди раисининг ўринбосари лавозимида ишлаган.
Луқмон Қодиров беш йил муддатга Бухоро вилоят судининг раиси лавозимига тайинланди.
Л. Қодиров 1966 йилда туғилган. Тайинловга қадар Ўзбекистон Олий суди судьяси лавозимида ишлаган.
Шуҳрат Камолов беш йил муддатга Фарғона вилоят судининг раиси лавозимига тайинланди.
Ш. Камолов 1977 йилда туғилган. Тайинловга қадар жиноят ишлари бўйича Навоий вилоят суди раисининг ўринбосари лавозимида ишлаган.
Ҳамидулла Қудратов судьялик лавозимида бўлишнинг муддатсиз даврига ва шунинг беш йил муддатига Навоий вилоят судининг раиси лавозимига тайинланди.
Ҳ. Қудратов 1959 йилда туғилган. Тайинловга қадар жиноят ишлари бўйича Сурхондарё вилоят судининг раиси лавозимида ишлаган.
Абдуқаюм Маҳкамов беш йил муддатга Қашқадарё вилоят судининг раиси лавозимига тайинланди.
А. Маҳкамов 1957 йилда туғилган. Тайинловга қадар жиноят ишлари бўйича Қашқадарё вилоят судининг раиси лавозимида ишлаган.
Талъатжон Мелибоев беш йил муддатга Андижон вилоят судининг раиси лавозимига тайинланди.
Т. Мелибоев 1975 йилда туғилган. Тайинловга қадар Ўзбекистон Олий суди судьяси лавозимида ишлаган.
Баҳодир Полвонов беш йил муддатга Хоразм вилоят судининг раиси лавозимига тайинланди.
Б. Полвонов 1979 йилда туғилган. Тайинловга қадар Ўзбекистон Судьялар олий кенгашининг Судьялар дахлсизлигини таъминлаш ва коррупциянинг олдини олиш бўйича суд инспекцияси судьяси лавозимида ишлаган.
Абдулқосим Рўзиқулов беш йил муддатга Сурхондарё вилоят судининг раиси лавозимига тайинланди.
А. Рўзиқулов 1965 йилда туғилган. Тайинловга қадар жиноят ишлари бўйича Навоий вилоят судининг раиси лавозимида ишлаган.
Дилшод Тажибаев беш йил муддатга Тошкент вилоят судининг раиси лавозимига тайинланди.
Д. Тажибаев 1972 йилда туғилган. Тайинловга қадар жиноят ишлари бўйича Тошкент вилоят судининг раиси лавозимида ишлаган.
Олим Хайитов беш йил муддатга Самарқанд вилоят судининг раиси лавозимига тайинланди.
О.Хайитов 1969 йилда туғилган. Тайинловга қадар жиноят ишлари бўйича Самарқанд вилоят судининг раиси лавозимида ишлаган.
Аъзамжон Худойбердиев беш йил муддатга Сирдарё вилоят судининг раиси лавозимига тайинланди.
А. Худойбердиев 1977 йилда туғилган. Тайинловга қадар Сирдарё вилоят иқтисодий судининг раиси лавозимида ишлаган.
Абдурасул Эранов беш йил муддатга Наманган вилоят судининг раиси лавозимига тайинланди.
А.Эранов 1961 йилда туғилган. Тайинловга қадар Ўзбекистон Республикаси Олий суди судьяси лавозимида ишлаган.
Аввалроқ Республика шошилинч тиббий ёрдам илмий марказига бош директор, Олий суд раиси ўринбосари лавозимига Ҳалилилло Тўрахўжаев, ДСҚ ҳузуридаги Кадастр агентлигига янги директор ҳамда Тошкентнинг собиқ ҳокими Раҳмонбек Усмонов транспорт вазирининг ўринбосари этиб тайинлангани ҳақида хабар берилганди.
Изоҳ (0)