UFC’нинг енгил вазндаги чемпиони Ҳабиб Нурмагомедов ҳамда ташкилот президенти Дэйна Уайт Абу-Дабида учрашув ўтказди. Дэйна Уайт учрашув қандай ўтгани ҳақида гапириб ўтди.
«Ҳабибнинг бошига жуда кўп нарса тушди: отасининг вафоти, Гэтжи билан жангдан олдин оёғидан жароҳат олиши. Ўшанда Ҳабиб билан ўзига келиб олиши учун танаффус олиш борасида келишиб олгандик.
Ҳабиб ўзи хоҳлаган барча нарсага эришди. Унинг қайтиши учун мотивация йўқ. Келаси ҳафта биз иккита топ жанг гувоҳига айланамиз: Конор Макгрегор Дастин Порьега қарши, Майкл Чендлер эса Ден Ҳукерга.
Агар ушбу йигитлар қандайдир феноменал нарса кўрсата олса, Ҳабиб қайтиш борасида ўйлаб кўришини айтди. Шунинг унга айни дамда Чарльз Оливейранинг ҳаракталари маъқул келаётган экан. Ҳабиб қайтиш учун сабаб кўрмаса, дивизион чемпионлигини ушлаб турмайди», — дейди Уайт.
Эслатиб ўтамиз, Ҳабиб Нурмагомедов 2020 йил 24 октябрида UFC 254 мусобақаси доирасида Жастин Гэтжини мағлуб этганди. Жанг тугаши билан Ҳабиб MMA’даги спортчилик фаолиятини якунлашини эълон қилганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)