Футбол бўйича Англия Премьер Лигасининг 19-турида «Челси» 16 январь, шанба куни «Фулҳэм» майдонига сафар қилди.
Биринчи бўлим якунланиши арафасида майдон эгалари футболчиси Антони Робинсон ўта қўпол ҳаракати учун тўғридан-тўғри қизил карточкага лойиқ кўрилди.
Иккинчи бўлимдаги қатор ҳужумлар 78-дақиқага келиб ўз самарасини берди. Мэйсон Маунт жамоасининг комбинациясини гол билан якунлади ва бу гол ўйин тақдирини ҳал қилиб берди.
Шу тариқа «Челси» Премьер Лигада кетма-кет уч ўйинлик ғалабасиз сериясига нуқта қўйиш билан бирга, ноябрь ойидан бери илк бор сафар учрашувида уч очколик бўлди.
«Челси» очколарини 39 тага етказиб олган ҳолда 7-ўринга кўтарилди. «Фулҳэм» (12) 18-поғонада қолди.
АПЛ
19-тур баҳслари
16 январь, шанба
«Фулҳэм» — «Челси» 0:1
Гол: 0:1 – 78 Маунт.«Фулҳэм»: Ареоля, Робинсон, Адарабиоё, Айна (Браен, 83), Тете, Декордова-Рид (Камара, 83), Рид, Лукман, Замбо-Ангисса, Кавалейру (Онома, 79), Андерсен.
«Челси»: Менди, Тиаго Сильва, Аспиликуэта, Рюдигер, Чилуэлл, Ковачич, Жоржиньо (Абраҳам, 65), Зиёш (Ҳадсон-Одои, 75), Маунт, Пулишич, Жиру (Вернер, 75).
Огоҳлантиришлар: Декордова-Рид (69), Зиёш (72), Тиаго Сильва (82), Лукман (88), Аспиликуэта (90+4).
Четлатиш: Робинсон (44).
«Вулверҳэмптон» — «Вест Бромвич» 2:3
Голлар: 0:1 – 8, пенальти Матеус Перейра, 1:1 – 38 Фабиу Сильва, 2:1 – 43 Боли, 2:2 – 52 Ажайи, 2:3 – 56, пенальти Матеус Перейра.«Лидс» — «Брайтон» 0:1
Гол: 0:1 – 17 Мопе.«Вест Ҳэм» — «Бёрнли» 1:0
Гол: 1:0 – 9 Антонио.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)