Европалик Кяра Феррани, Леандра Медин ҳамда Кристина Базан сингари фешн-блогерлар мода ихлосмандлари орасида машҳур. Аммо кийиниш борасида юксак дид ва трендларни ўзида мужассам этган Осиёликлар орасида ҳам илҳом олишга арзийдиганлари йўқ эмас.
@aimeesong
Эйми Сонгнинг Instagram саҳифасига қараб уни мода билан шуғулланадими ёки интерьер дизайн биланми, аниғини айтиш қийин.
Ултразамонавий трендлар, мода классикаси, ноодатий тақинчоқларни ўзида жамлаган Эймининг Instagram’ида 5,6 миллион обуначиси бор.
@mmmcoco07
Ушбу ник эгасининг саҳифасини кузатиб, унинг нозик дид эгаси эканлигини билиш қийин эмас.
Паст пошнали балетка, қаймоқранг тренч ва этаги кенг шим ҳамда марварид шодаси сингари кийим-кечаклардан образ яратишни хуш кўрувчи ва илҳомланишни истовчилар учун ушбу саҳифа айни муддао.
@ninistyle
Ситилист Нини Нгуэннинг гардеробида асимметрик бичимли либос ва оверсайз-кардиган, аёлларга хос кўйлак, кроссовка ва классик услубдаги учли туфлиларни учратиш мумкин.
Нина саҳифасида нафақат ўзининг, балки жажжи қизининг ҳам образлари билан бўлишиб боради. Ёш оналарга Нгуэннинг саҳифаси икки карра қизиқ бўлиши шубҳасиз.
@handinfire
Профессионал баер, яъни трендлар ва мода саноати бўйича мутахассис Тиффани кўплаб машҳур бренд, онлайн дўконлар билан ҳамкорлик қилади. Шу сабаб ҳам унинг суратдаги либослари ултразамонавий ҳамда долзарб эканлиги билан бошқалардан ажралиб туради.
Хсунининг саҳифасини кузатиб базавий гардероб нималардан иборат бўлиши кераклиги, қандай аксессуар ва деталлар билан образни қизиқарли қилиш мумкинлиги ҳақида маълумотга эга бўлиш мумкин.
@tgosingtian
Триши Госингтиан-Гобунаданинг ретро услубдаги образларини 200 мингдан ортиқ фойдаланувчи кузатиб боради.
Унинг назокатли кўрсатувчи либослар, балетка ва блузкаларни кийиб тушган суратларидан мода ва дид борасида илҳомланиш мумкин.
@aya_green1010
Икки фарзанднинг онаси бўлган Ая бола тарбияси мода тенденцияларини кузатиш ва уларни ўз аутфитида акс эттириш учун тўсиқ бўла олмаслигини ўзи мисолида исботлашга муваффақ бўлган.
Изоҳ (0)