Калифорниянинг Bisimoto Engineering компанияси Гемраниянинг Acronym бренди ҳаммуассиси Эрролсон Хью ва рассом Хизил Салим билан биргаликда 1970 йилларнинг машҳур модели — Porsche 935 Moby Dick’ни қайта яратиш устида иш олиб бормоқда, деб ёзади Esquire.
Moby X номини олган ва ҳозирда уни яратиш ишлари олиб борилаётган модель 935L’нинг тўлиқ электр энергиясида ҳаракатланувчи версияси бўлади. Янгиланган моделга янги олд панел, улкан «обвес» ва модернизацияга учраган ёруғлик диод фаралари ўрнатилади, бу автомобиль аэродинамикасининг яхшиланишини таъминлашга хизмат қилади.
Acronym дизайнери Хью кийим-кечаклардаги футуристик услуби билан танилган бўлиб, у ўзининг Instagram’даги аккаунти орқали Moby X тўлиқ электр энергиясида ҳаракатланишини тасдиқлаган. «Бир неча ой олдин ақл бовар қилмас лойиҳа режада ҳам йўқ эди, бироқ ҳамкорлик сеҳри шундай бўлади! Бунга алоқадор барчага ўзимнинг чуқур миннатдорчилигимни билдираман», — деб ёзади Хью.
https://www.instagram.com/p/CJzeJeJF7EO/?utm_source=ig_embed
Bisimoto Porsche’нинг «узун дум» қисмини янада кўзга ташланадиган қилиб ишламоқчи, айнан шу кўриниши сабаб модель Moby Dick номини олган (Герман Мелвиллнинг «Моби Дик ёки Оқ кит» романи — таҳр.). Янгиланган версиянинг орқа қисмига киберпанк услубидаги ёруғлик диод панели ўрнатилади.
Ҳозирча Moby X қачон тақдим этилишига аниқлик киритилмаган.
Изоҳ (0)