Ўзбекистонда жисмоний шахслар томонидан валюта айирбошлаш шохобчалари орқали 2020 йилда сотилган чет эл валютаси миқдори 4,6 миллиард долларни ташкил этди. Бу ҳақда Марказий банкнинг 2020 йилда ички валюта бозорида амалга оширилган операцияларга доир шарҳида маълум қилинди.
Қайд этилишича, сотиб олиш ҳажмлари 4,1 миллиард долларни ташкил этди. Бу 2019 йилдаги кўрсаткичга (3,8 миллиард) қараганда 21 фоизга кўп.
Бундан ташқари, халқаро пул ўтказмалари орқали республикага келиб тушган валюта маблағлари ҳажми 6 миллиард долларни ташкил этиб, ўтган йилги кўрсаткич доирасида шаклланди.
2020 йил давомида миллий валютанинг АҚШ долларига нисбатан алмашув курси йил бошига нисбатан 10,1 фоизга қадрсизланган.
Аввалроқ 2020 йил учун инфляция даражаси 11,1 фоизни ташкил этгани, Президент мурожаатномасида 2021 йилда инфляцияни 10 фоиз даражасига тушириш вазифаси белгилангани ҳақида хабар берилган эди.
Изоҳ (0)