Коронавирус 2020 йилнинг асосий касаллиги бўлибгина қолмай, ҳозирда ҳам унга қарши курашиш чоралари кўрилмоқда. Янги тадқиқотлар натижасига кўра, ушбу касалликнинг асоратлари ҳам унинг ўзидек хавфли саналмоқда. Энг ачинарлиси шундаки, касалликка дучор бўлганларда ўпка, юрак-қон томирлар ва ҳаттоки, мия фаолияти ҳам заифликка учраши мумкин. Умуман, касалликни ҳар қандай шаклда ёки аломатсиз ўтказганлар нимадан иложи борича узоқ туриши керак, деган саволга қуйида жавоб берилган.
Спорт билан шуғулланиш
Жисмоний фаоллик соғлиқ учун жуда муҳимлиги ҳаммага маълум. Шифокорларлар жисмоний фаолиятни аста-секин тиклашни маслаҳат беради, ҳатто юрак жарроҳлиги амалиётини ўтказганларга ҳам. Коронавирус билан касалланганлар учун спорт ва жисмоний тарбия ҳам фойдалидир, аммо фақат юрак тўлиқ текширилгандан кейин. Олиб борилган тадқиқотлар натижасига кўра, касалликни аломатсиз ўтказганларда ҳам юрак мушаги зарарланади. Шу туфайли хавф туғдирмаслик учун одатдаги машғулотларга қайтишдан олдин кардиологга мурожаат қилиш лозим.
Қўшиқ куйлаш
Нафас олиш гимнастикаси коронавирус билан касалланган беморларда реабилитация қилишнинг мажбурий қисмларидан бири ҳисобланади. Касалликнинг ҳар қандай шаклидан қатъи назар, ҳар бир беморга тавсия этилади. Аммо шифокорлар ўпканинг ривожланиши учун баъзи машҳур машқлар хавфли бўлиши мумкинлиги ҳақида огоҳлантирмоқда. Хусусан, пуфакларни ишириш ёки вокал машқлари: ўпкада ҳосил бўлувчи жуда кучли юк чандиқ тўқималарнинг пайдо бўлишига олиб келиши мумкин, бу эса ўпканинг саломатлигига жиддий зарар етказади.
Чекиш
Тамаки маҳсулотлари ўпкага салбий таъсир кўрсатиши мумкин. Сабаби нафас олиш органлари касаллик вақтида аллақачон зарарланган, уларга яна ортиқча вазифа юкламаслик зарур.
Сауна ва ҳаммом қабул қилиш
Коронавирус нафақат ўпкага, балки томирларга ҳам ҳужум қилади. Энг кўп учрайдиган асоратлари тромблар ва инсультдир. Қайта тиклаганидан кўп ўтмай, қон томир тизмида стрессни кучайишига олиб келадиган ҳаракатлардан қочиш керак. Сауна ёки ҳаммомдаги ҳарорат ва намликнинг кучли ўзгариши қон томирлари учун ҳақиқатан ҳам хавфли бўлиши мумкин.
Спиртли ичимликлар ичиш
Спиртли ичимлик қабул қилинганда, қон томирлар кучли даражада кенгаяди, сўнгра қисқаради. Бу ҳатто соғлом инсонлар учун ҳам хавфли бўлиши мумкин. Агар қон томирлар коронавирус туфайли заифлашган бўлса, унда бу каби зарарли одатлар чиндан ҳам ҳалокатли якун топиши мумкин.
Изоҳ (0)