Тайинли иш ёки юмуш билан шуғулланмаса ҳам киши ўзини лоҳас ҳис қилиши бунга эса нафақат стресс, балки хаёлга ҳам келмаган бошқа одатлар сабаб бўлиши мумкин.
Иш столининг тартибсизлиги
Қанчалик ғалати туйилмасин, атрофингиздаги тартибсизлик энергиянгиз ва ўзингизни ҳис қилишингизга таъсир кўрсатади. Принстон университети олимлари ўтказган тадқиқотда, иш столидаги ортиқча нарса ва буюмлар мияга таъсир қилиши, эътибор ва диққатни чалғишига сабаб бўлиши аниқланган. Шунингдек, ошхонадаги сурункали тартибсизлик ҳам жиддий стресс ривожланишига олиб келади.
Энергетикларга муккасидан кетиш
Таркибида шакар мўл бўлган энергетиклар вақтинча сизни энергия билан таъминлаши, бироз вақт ўтиб эса одатдагидан ҳам кўпроқ бўшашишингизга сабаб бўлиши мумкин. Бу худди энергияни кредитга олиб кейин катта фоизда қайтариш кераклигига ўхшайди. Аввалига кескин кўтарилган қанд миқдори кейинроқ одатдагидан ҳам пасаяди.
Букчайиш
Энергияга тўла бўлишнинг энг осон йўли қоматни тик тутиш ҳисобланади. Biofeedback журналида эълон қилинган тадқиқотда ёзилишича, кишининг юриши ва қадди қоматини тик тутиши энергия ва депрессия даражасига таъсир қилади. Икки-уч соат давомида қаддини букиб, оёқларини секин ҳаракатлантириб юрадиган бўлса, тушкун кайфият ва уйқу босиши кузатилиши мумкин. Тоза ҳавода фаол сайр қилиш, қўлларни ҳаракатлантириб, қадни тик тутиш эса аксинча, энергияга тўла бўлишга ҳисса қўшади. Шу сабаб ҳам бўшашиб, ўзингизни энергиясиз ҳис қилсангиз, қаддингизни тик тутиш ва кўпроқ жисмоний фаол бўлишга ҳаракат қилинг.
Етарлича сув ичмаслик
Организмнинг сувсизланиши бош оғриши, чарчоқни ҳис қилиш, диққат қилишга қийналиш ҳамда когнитив вазифаларни бажаришда муаммо кузатилишига сабаб бўлади. Шунинг учун кун давомида етарлича сув ичиш ва организмнинг сувсизланишига шароит яратмаслик тавсия қилинади.
Витаминларга бой таомларни истеъмол қилмаслик
B гуруҳи витаминлари, магний ва D витаминининг етишмаслиги энергиянинг доимий равишда паст бўлишининг боиси ҳисобланади. Рационингизда ушбу моддалар етишмаслигидан шубҳалансангиз қон таҳлили топшириш ва натижага қараб таомномага ўзгартириш киритиш керак.
Изоҳ (0)