Инсоннинг қанча умр кўриши аниқ эмас. Аммо бир нарса маълум: саломатлик билан боғлиқ муаммолар киши умрининг узоқ ёки қисқалигига таъсир қилади. Организм ва танадаги аломатлар эса касалликлардан далолат бериши мумкинлиги бир қанча тадқиқотларда аниқланган.
Туғилиш тартиби
Баъзи тадқиқотларда туғилиш тартиби билан лейкемия ва тухумдонлар саратони ўртасида алоқадорлик борлиги маълум бўлган. Катта фарзандлар — ўғил ё қизда, иккинчи ёки кейинги фарзандларга нисбатан ушбу хавф юқори бўлади.
Бармоқлар узунлиги
4500 нафар эркак иштирокчи қатнашган тадқиқот муаллифлари бармоқнинг узунлигига қараб саратоннинг ривожланиш хавфини билиш мумкинлигини аниқлаган. Маълум бўлишича, кўрсаткич бармоғи номсиз бармоғидан узун бўлган иштирокчиларда простота бези саратони бошқаларга нисбатан уч карра кам кузатилган.
Қўлни қанчалик маҳкам қисиш
25 йил давом этган, 45 ёшдан 68 ёшгача бўлган кишилар иштирок этган тадқиқот муаллифлари қўл қисиш қанчалик кучли бўлса, шунча узоқ вақт яшаш мумкин, деган хулосага келган. Унга кўра, ҳар йили иштирокчиларнинг қўл қисиши қанчалик кучли экани текширилган ва шунга қараб саломатликларига баҳо берилган. Натижада қўлни маҳкам қисадиган кишилар кам касал бўлиши ва узоқ яшаши маълум бўлган.
Соч тўкилиши
Сочнинг тез-тез, айниқса, бош ўртасидан тўкилиши кардиологга мурожаат қилиш учун жиддий сабаб бўла олади. Ушбу ҳолат юрак касалликлари хавфи ривожланаётганидан дарак бўлиши Гарвард тиббиёт мактаби ҳамда Бригам аёллар шифохонаси мутахассислари томонидан исботланган. Кал бўлишнинг бошланиши эса юрак билан боғлиқ муаммонинг 36 фоизга кўпайганини билдиради.
Изоҳ (0)