AnTuTu бенчмарки жамоаси жаҳон бозоридаги ўрта синфга кирувчи Android смартфонларнинг 2020 йил декабрь ойи рейтингини тузиб чиқди. У AnTuTu’нинг Хитой учун мўлжалланган муқобил рейтингидан сезиларли даражада фарқ қилади, деб ёзади IXBT.
Биринчи ўрин Kirin 985 платформасида ишлайдиган Honor 30 моделига насиб этган бўлиб, у 404 970 балл тўплаган. Таъкидлаш керакки, мазкур модель кетма-кет уч ойдан буён рейтингда етакчилик қилмоқда.
Иккинчи ўринда ҳам Kirin 985’га асосланган Huawei Nova 7 ўрин олган (402 080 балл). Кучлик учликка MediaTek Dimensity 820 процессорида ишловчи Redmi 10Х 5G 394 545 балл билан якун ясаган. Рейтингнинг қолган қисми қуйидаги тартибда жойлашган:- Xiaomi Mi 10T Lite 5G — 331 796 балл;
- Redmi K30 5G — 325 915 балл;
- Xiaomi Mi 10 Lite 5G — 323 260 балл;
- Huawei Nova 7i — 313 322 балл;
- Realme 7 — 297 910 балл;
- Redmi Note 8 Pro — 292 901 балл;
- Realme 6 — 291 109 балл.
Xiaomi Mi 10T Lite 5G ва Redmi 10Х 5G AnTuTu’нинг ушбу рейтингида биринчи бор пайдо бўлган.
Маълумотлар ўтган йилнинг 1—31 декабрь оралиқларида тўпланган. Таъкидланишича, жадвалда энг юқори эмас, ўртача натижалар кўрсатилган, шу билан бирган ҳар бир модель учун камида 1000 та тест натижадан фойдаланилган.
Аввалроқ AnTuTu бенчмарки 2020 йилнинг энг кучли смартфонлари номини эълон қилганди.
Изоҳ (0)