Apple компанияси iPhone 12 линейкаси ва бошқа янги смартфонлари жамланмасидан наушник ва қувватлантиргични олиб қўйгани тўғрисида хабар берилганди. Counterpoint Research компанияси Apple бунинг ортидан қанча маблағ тежаб қолганини ҳисоблаб чиқди, деб хабар беради IXBT.
Таъкидланишича, қадоқлаш жараёни ва аксессуарлари натижасида ҳар бир iPhone 12 ўзидан олдинги моделдан 4,2 долларга арзонроққа «айланяпти».
Бир тарафдан 4,2 доллар у қадар катта сумма эмас, бироқ йил охирида iPhone 12 смартфонлар сериясини етказиб бериш ҳажми 63 миллион донага етгани ҳисобга олинадиган бўлса, бу Apple’га 264 миллион доллардан ортиқ маблағни тежаб қолиш имконини берган.
Таҳлилчиларнинг фикрига кўра, Apple мунтазам ўтказиб келинадиган сўровлар, шунингдек, атроф-муҳитни ҳимоя қилиш борасидаги фикрларни эътиборга олиб, келажакда ҳам смартфонлар жамланмасидан қувватлантиргич ва маълумотларни узатиш кабелини олиб қўяди.
Эслатиб ўтамиз, 2020 йилнинг ноябрь охирларида Fomalhaut тадқиқот компанияси Nikkei Asia нашри билан ҳамкорликда янги iPhone жамланмаларининг таннархини 406 долларга баҳолаган эди — савдоларда эса смартфон 2,5 баробар қиммат нархда сотилмоқда.
Изоҳ (0)