OnLeaks номи остида танилган инсайдер Nokia 6.4 ёки 6.3 деб аталадиган смартфоннинг рендерлари билан бўлишди. Компания битта линейкадаги моделлар учун нуқтадан кейин бир хил рақамлардан фойдаланишга уринмоқда, бироқ ушбу смартфон қайси авлодга тегишли бўлиши номаълум, деб ёзади Hi-Tech.Mail.ru.
Nokia 6.4 мазкур бренд учун стандарт дизайнга эга — камералар айланасимон модулда жойлашган, олд томондаги фронтал камера эса томчисимон қирқим ичига «яширинган». Кўп жиҳатдан у Nokia 6.2 моделига ўхшаб кетади, смартфон дисплейи 6,45 дюймга тенг бўлиб, Full HD сифатни қўллаб-қувватлайди.
Бундан аввалроқ тарқалган хабарларда Nokia 6.4 Snapdragon 730 процессорига эга бўлиши ҳақида айтилган, бироқ бу вақт давомида компаниянинг режалари ўзгарган бўлиши мумкин.
Nokia ўзининг янги моделини апрелда тақдим этиши керак. Компания мазкур смартфондан ташқари бир қатор ҳамёнбоп моделларни ҳам тақдим этишга тайёргарлик кўрмоқда.
Аввалроқ Nokia компанияси 2009 йилда оммалашган Nokia 6700 кўринишида яратилган ҳамёнбоп 224 4G моделини тақдим этгани маълум бўлганди.
Мавзуга доир: Nokia ўзининг янги ихчам смартфонини намойиш этди
Изоҳ (0)