Taniqli AnTuTu benchmarki jamoasi Android operatsion tizimida ishlaydigan eng samarador flagman smartfonlar reytingini taqdim etdi, deb xabar beradi IXBT.

Foto: AnTuTu

Ta’kidlash kerakki, avvaliga birinchi bo‘lib Xitoy bozori uchun reyting e’lon qilingan va u xalqaro reytingdan sezilarli farq qiladi.

AnTuTu’ning oktabrdagi reytingida Huawei’ning bir kristalli Kirin 900 tizimida ishlaydigan yangi flagmani — Mate 40 Pro yetakchilik qilgan. Jamoaning qayd etilishicha, ushbu model o‘z raqiblarini “changida qoldirgan”. Smartfon 685 339 ball to‘plab, qolgan sovrindorlardan ancha odimlab ketgan.

Foto: AnTuTu

Ikkinchi o‘rinda 663 979 ball bilan Qualcomm Snapdragon 865 protsessoriga ega iQOO 5 Pro joylashgan bo‘lsa, uchinchi o‘rin 663 767 ball bilan Snapdragon 865 asosli IQOO 5’ga nasib etdi.

AnTuTu mutaxassislarining ta’kidlashicha, 685 339 ball — Mate 40 Pro tomonidan erishilgan o‘rtacha ko‘rsatkich hisoblanadi. Mate 40 Pro’ning ayrim nusxalari 700 minglik balldan ham o‘tib ketgan.

“Smartfon yoniqligida ishlash samaradorligi bo‘yicha haqiqiy mo‘jizani ko‘rsatib, 720 mingdan ortiq ball to‘play oladi. Albatta, bu kabi rejimda akkumulyator quvvati ko‘p ketadi”, — deyiladi xabarda.

Eslatib o‘tamiz, oktabr oyining o‘rtalarida iPhone 12 va 12 Pro ishlash samaradorligi bo‘yicha Android flagmanlariga yutqazib qo‘ygan edi.