Тошкент шаҳри Юнусобод туманида Nexia ва Lacetti автомобиллари иштирокида йўл-транспорт ҳодисаси содир бўлди, дея хабар бермоқда Тошкент шаҳар ИИББ.
Қайд этилишича, 2021 йил 10 январь куни тахминан соат 17:30 ларда Юнусобод туманидаги Локомотив боғи ёнида Nexia русумли автомобиль ҳайдовчиси, 30 ёшли Э.К. кутилмаган ҳаракат сабабли 32 ёшли Ў.Т. бошқарувидаги Lacetti билан тўқнашган.
ЙТҲдан олдин иккала ҳайдовчи ҳам темир йўл светофорининг тақиқловчи белгисига ва туширилаётган шлагбаумга эътибор бермаган.
Тиббий экспертиза хулосасига кўра, иккала ҳайдовчи ҳам ҳушёр бўлган. Воқеа сабабли ҳеч ким жабрланмаган.
Мазкур факт асосида ЙҲХБ ходимлари томонидан иккала ҳайдовчига нисбатан маъмурий баённомалар расмийлаштирилди
Аввалроқ Фарғонада шлагбаумни айланиб ўтмоқчи бўлган юк машинаси поезд билан тўқнашгани, Бухорода 69 ёшли фуқаро йўловчи поезди уриб кетиши оқибатида ҳалок бўлгани ҳамда Сурхондарёда тепловоз Matiz’ни уриб юборгани ҳақида хабар берилганди.
Изоҳ (0)