Twitter’даги Tesla Owners Silicon Valley аккаунтида Tesla Моdel 3’нинг бутун кучини намойиш этишга қодир қизиқарли видео пайдо бўлди, деб ёзади CARakoom. Электрокар осонлик билан қум уюмига тиқилиб қолган Nissan Patrol’ни тортиб чиқариб олган.
Кадрлардан кўриш мумкинки, навбатдаги қум уюмидан ўта олмаган йўлтанламас чап томони билан тиқилиб қолган. Patrol мустақил жойидан қимирлай олмаган ва ёрдам сўрашга мажбур бўлган. Кутилмаганда Nissan’ни яқин атрфодаги хетчбек — Tesla Моdel 3 ёрдамида чиқариб олишга қарор қилинган.
«Бу каби ғоя нима сабабдан энг камида ғалати ва ўйланмай қилинган иш каби кўринмоқда. Гап шундаки Patrol’нинг оғирлиги салкам 3 тоннани ташкил этади. Расмий маълумотларга кўра, Tesla’нинг тортиш қобилияти икки минг фут — 900 килограммдан ошмайди», — дейилади хабарда.
Бироқ шунга қарамай, Илон Маск компаниясига тегишли машина Nissan’ни тортиб чиқариш ва юз метрга тортиб боришда ҳеч қандай қийинчиликка учрамаган.
Аввалроқ Tesla Моdel 3 камералари ёнида турган Porsche’нинг ўғирланишини видеога олгани тўғрисида хабар берилганди.
Изоҳ (0)