2008 йил намойиш этилган «Харобадан чиққан миллионер» фильми кўп фурсат ўтмасданоқ дунё бўйлаб машҳурликка эришди. Фильмда бош қаҳрамон ролини ижро этган актёр Дев Пател орадан ўтган 13 йил мобайнида қай даражада ўзгарган бўлиши мумкин?
Пател ўзининг биринчи ролини мактабда «Ўн иккинчи кеча» фильмида ижро этган. Ўзининг тўлиқ актёрлик карьерасини эса 2006 йилда «Тирранчалар» номли сериалдан бошлаган. Бунинг учун актёр Британиянинг «Метро» газетасида кастинг ҳақидаги эълонни кўриб қолган онасига ташаккур айтади.
Актёрга чиндан ҳам машҳурлик келтирган фильм «Харобадан чиққан миллионер» бўлиб, у бир неча нуфузли мукофотларга сазовор бўлган. Фильм саккизта номинация бўйича Оскар мукофотини қўлга киритган. Кейинчалик ёш актёр кўплаб машҳур лойиҳаларга таклиф қилинган, уларнинг орасида «Аватар: Аанг афсонаси» мультфильми асосида суратга олинган «Тўрт унсур ҳукмдори» картинаси ҳам бор.
Пателнинг навбатдаги ажойиб роли Сара Браерлининг «Арслон» фильмидаги Никол Кидман ва Руни Мара билан биргаликдаги иши бўлди. Фильм олти номинация бўйича Оскар мукофотига лойиқ кўрилди. 2019 йил унинг яна бир муваффақиятли фильми «Мумбай меҳмонхонаси» эди. 2021 йилда эса Пател «Яшил рицарнинг афсонаси» фильмида муҳим аҳамиятга эга роллардан бирида кўринишни режалаштирган.
Актёр шахсий ҳаёт борасида анча сирли. Бироқ 2017 йилда Пателнинг «Мумбай меҳмонхонаси» фильмини суратга олиш жараёнида танишган актриса Тилда Кобем-Херви билан муносабатлари ҳақида миш-мишлар тарқалган.
Изоҳ (0)