Индонезияда Sriwijaya Air авиакомпаниясининг Boeing 737-500 самолёти ҳалокатга учради. Meduza шу мавзу юзасидан асосий маълумотларни эълон қилди. Унинг бортида 62 киши: 50 нафар йўловчи, шу жумладан, ўн нафар бола, шунингдек, 12 нафар экипаж аъзоси бор эди, деб ёзади CNN Indonesia, Индонезия транспорт вазирлигига таяниб. SJ182 рейсини амалга ошираётган лайнер Индонезиянинг Ғарбий Калимантан провинцияси маъмурий маркази бўлган Понтианак шаҳрига йўл олган. Самолёт маҳаллий вақт билан 14:36 да Жакартадан учиб чиққанидан кейин дарҳол радарлардан ғойиб бўлган ва диспетчерларга жавоб бермай қўйган.
Flightradar24 сервиси Twitter’да хабар қилишича, самолёт бир дақиқадан кам вақт ичида уч километрдан ортиқ баландликни йўқотган. Бу Жакартадан учиб чиққандан кейин тахминан тўрт дақиқа ўтиб юз берган.
This is what we know about Sriwijaya Air flight #SJ182 based on ADS-B data.
— Flightradar24 (@flightradar24) January 9, 2021
Route: Jakarta to Pontianak
Callsign: SJY182
Aircraft: Boeing 737-500, PK-CLC
Take off: 07:36 UTC
Highest altitude: 10,900 feet
Last altitude: 250 feet
Signal lost: 07:40 UTChttps://t.co/fNZqlIR2dz pic.twitter.com/CPzFJdsuJZ
https://twitter.com/CNNIndonesia/status/1347881748755976194
Мамлакат ҳукумати бортдаги барча йўловчилар Индонезия фуқаролари бўлганини тасдиқлади.
Ҳалокат жойида кенг кўламли қидирув ишлари 10 январь куни эрталаб бошланди. Яван денгизидан металл бўлаклар, одам танаси қисмлари ва кийимлар топилди. Бу ҳақда Associated Press расмий шахсларга таяниб хабар берди.
Миллий қидирув-қутқарув агентлиги раҳбари Багус Пурухито сўзларига кўра, бу топилмалар Серибу архипелагига кирувчи Лнканг ва Лаки ороллари оралиғида аниқланган.
«Самолёт айнан шу ерда ҳалокатга учраганига ишончимиз комил», — деди Индонезия авиацияси бош маршали Хади Тянжанто. Унинг айтишича, авиация ғаввослар гуруҳидан олган ҳисоботга кўра, сувда кўриниш даражаси яхши ва тиниқ, бу эса самолётнинг баъзи қисмларини топиш имкониятини бермоқда.
Изоҳ (0)