Бутун Покистон ҳудуди электр энергиясидан узилиб қолди, деб ёзади «РБК». Бу ҳақда маҳаллий Dawn газетаси мамлакат энергетика вазири Умар Аюб баёнотига таяниб хабар берган.
https://twitter.com/arcturut/status/1347983038769033216
Вазирнинг сўзларига кўра, узилиш натижасида бутун мамлакат ҳудуди бўйлаб қарийб 200 миллион киши электр токисиз қолган. Узилишлар Покистоннинг Карачи, Исломобод, Лаҳор, Мултон, Касур каби йирик шаҳарларида ва бошқа шаҳарларда ҳам кузатилди.
Покистон энергетика вазири вазиятни шахсан ўзи назорат остига олганига ишонтирди. У аҳолини юзага келган вазиятда хотиржамликни сақлашга чақирди. Унинг қўшимча қилишича, Покистон ҳукумати энергия узатилишини Тарбелдаги электростанция орқали қисман қайта тиклашга уринмоқда.
Нашр маълумотларига кўра, узилишга электр энергиясини тақсимлаш тизимидаги техник носозлик сабаб бўлган.
Ўз навбатида, бош вазирнинг махсус ёрдамчиси Шаҳбоз Гилл маълум қилишича, энергетика вазири ва бутун идора авария сабабларини аниқлаши керак бўлади.
Мавзуга доир:
- Покистон тиббий комиссияси Ўзбекистоннинг 6 та тиббиёт ОТМлари дипломини тан олмади. Покистонлик талабалар бундан норози
- Покистонда суд зўравонликка учраган аёллар учун бокиралик текширувини бекор қилди
- Қозоғистон ва Қирғизистон электр узилишларига Ўзбекистон электр тизимидаги муаммоларни сабаб қилиб кўрсатди
Изоҳ (0)