Корея Ишчилар партиясининг 8-қурултойида КХДР Давлат кенгаши раиси Ким Чен Ин АҚШ расмий Пхеньяннинг асосий душмани эканлигини айтди. Бу ҳақда 9 январь куни Кореянинг Марказий телеграф агентлигига таяниб, «Korrespondent.net» хабар берди.
Шимолий Корея раҳбарининг сўзларига кўра, президенти ким бўлишидан қатъи назар, расмий Вашингтоннинг КХДРга нисбатан сиёсати ўзгармайди. Унинг таъкидлашича, «душманлик сиёсатидан» узоқлашиш икки мамлакат ўртасидаги муносабатларни яхшилашга ёрдам беради.
Шунингдек, у расмий Пхеньян ўз ядровий қуролини ривожлантиришда давом этиши кераклигини таъкидлади, аммо КХДР ядро қуролини фақат душман кучлари унга биринчи бўлиб ҳужум қилган тақдирдагина ишлатишини айтиб ўтди.
Аввалроқ Ким Чен Ин Янги йил табриги ўрнига халққа хат ёзгани ҳамда КХДРда коронавирусга қарши курашдаги иқтисодий қийинчиликлар туфайли икки нафар амалдор қатл қилингани ҳақида хабар берилганди.
Изоҳ (0)