Twitter’dagi Tesla Owners Silicon Valley akkauntida Tesla Model 3’ning butun kuchini namoyish etishga qodir qiziqarli video paydo bo‘ldi, deb yozadi CARakoom. Elektrokar osonlik bilan qum uyumiga tiqilib qolgan Nissan Patrol’ni tortib chiqarib olgan.
Kadrlardan ko‘rish mumkinki, navbatdagi qum uyumidan o‘ta olmagan yo‘ltanlamas chap tomoni bilan tiqilib qolgan. Patrol mustaqil joyidan qimirlay olmagan va yordam so‘rashga majbur bo‘lgan. Kutilmaganda Nissan’ni yaqin atrfodagi xetchbek — Tesla Model 3 yordamida chiqarib olishga qaror qilingan.
“Bu kabi g‘oya nima sababdan eng kamida g‘alati va o‘ylanmay qilingan ish kabi ko‘rinmoqda. Gap shundaki Patrol’ning og‘irligi salkam 3 tonnani tashkil etadi. Rasmiy ma’lumotlarga ko‘ra, Tesla’ning tortish qobiliyati ikki ming fut — 900 kilogrammdan oshmaydi”, — deyiladi xabarda.
Biroq shunga qaramay, Ilon Mask kompaniyasiga tegishli mashina Nissan’ni tortib chiqarish va yuz metrga tortib borishda hech qanday qiyinchilikka uchramagan.
Avvalroq Tesla Model 3 kameralari yonida turgan Porsche’ning o‘g‘irlanishini videoga olgani to‘g‘risida xabar berilgandi.
Izoh (0)