WhoScored портали А Серия 16-тури доирасида 6 январь куни бўлиб ўтган «Сассуоло» — «Женоа» учрашувидан (2:1) кейин футболчилар рейтингини эълон қилди.
Унга кўра генуяликларнинг ягона голига муаллифлик қилган Элдор Шомуродов 7,9 баллга эга бўлди. Бу «Женоа» вакиллари орасидаги энг яхши натижа бўлиш билан бирга, учрашувдаги иккинчи энг яхши рейтинг бўлди. Ўзбекистонлик футболчидан фақат гол ва голли узатма муаллифига айланган Жереми Бога (8 балл) яхшироқ натижа қайд этди.
Учрашувда 90 дақиқа ҳаракат қилган Шомуродов жами 43 марта тўпга тегинди. Унинг 21 узатмасидан 14 таси аниқ чиқди (67%). Майдондаги яккакурашларнинг 12 тасидан 5 тасида ғолиб чиқди, ҳавода эса 10 тадан 4 та.
«Сассуоло» — «Женоа» учрашувида урилган голларни бу ерда кўриш мумкин — видео
Шомуродов А Серия 2020/21 йилги мавсумида 10 та ўйинда иштирок этиб, иккита гол ва битта голли узатмага муаллиф бўлди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)