Xiaomi’нинг Weibo ижтимоий тармоғидаги саҳифасида Xiaomi Mi 11 камераси ёрдамида тасвирга олинган ролик пайдо бўлди, деб ёзади IXBT. Аслини олганда, камералар бир нечта — видео аввалида квадрокоптерга бир жуфт Mi 11 махсус мослама ёрдамида қотирилганини кўриш мумкин.
Видео жуда жозибали ва рангларга бой чиққан. «Камераларнинг барқарорлаштиргичи ажойиблиги ҳақида гапириш мумкин эди, бироқ смартфонлар квадракоптерга қаттиқ қотирилмаган, шу сабабли махсус мослама вибрация ҳолатларини камайтирган», — дейилади хабарда.
Агарда смартфон камерасига олинган материалнинг ранглари таҳрирланмаган бўлса, унинг суратга олишдаги динамик диапазони ажойиб ҳолатда эканлигидан далолат беради.
Шунингдек, Xiaomi ўзининг расмий аккаунтига Мi 11’нинг 13 мегапикселли кенг бурчакли камераси ёрдамида олинган бир нечта суратни жойлаштирган.
Аввалроқ Xiaomi Mi 11’да тунда суратга олишни таъминловчи «ақлли» режим пайдо бўлгани тўғрисида хабар берилганди.
Изоҳ (0)