Ҳаво ҳарорати совиши билан қиз ва аёллар юбка ва кўйлакдан воз кечиб, шим ва свитер кийишни маъқул билади. Бундай кийиниш услуби қишда ҳам қулай ҳам иссиқлигига шубҳа йўқ, лекин бу ҳаво исиб кетгунича кўйлак киймаслик кераклигини билдирмайди.
Қалин либосларни танлаш орқали сиз нафақат мавсумга мос, балки аёллик жозибасини акс эттирадиган образда кийинишга муваффақ бўласиз. Олди ёпиқ бичимли, узун енгли ва қаттиқ — трикотаж ёки жун матосидан тикилган либослар айни муддао. Қалин колготка ва узун этикнинг образга қўшилиши совуқ қотмаслигингиз гарови. Жил Сандер томонидан тақдим қилингандек, 90 йилларга хос макси узунлигидаги ултразамонавий ёки Zara ва H&M брендлари сингари вариантлардан бу борада илҳомланиш мумкин. Минимал услубда кийинишни ёқтирадиганлар DSquared2’дагидек водолазкали кўйлак, спорт услуби ихлосмандлари учун эса Gucci бренди тақдим қилганидек кўк либос, мавсумга хос трендда бўлиш учун эса H&M ва МSGM коллекцияларидагидек йирик рангли катак-катак моделларга эътибор қаратиш тавсия қилинади.
Изоҳ (0)