Қандай либослар билан этик кийиш мумкин эмас ёки этик одатда қандай кўринишдаги кўйлаклар билан ажойиб комбинацияни ҳосил қилади? Қиш ва эрта баҳор учун мўлжалланган кийимлар ва этиклар ўртасида йўл қўйиладиган камчиликлардан хабардор бўлиш эса зарар қилмайди.
Тиззадан бироз тушиб турувчи узун юбкалар билан баланд пошнали тепаси юқори бўлган этик кийиш кўпчилик йўл қўядиган қўпол хатолар сирасига киради. Бундай услуб вазиятни жуда хунук кўрсатади. Шунингдек, тананинг нисбатлари ҳам визуал равишда қисқаради. Узун юбкалар билан нисбатан пастроқ ёки калтароқ этик кийиш тавсия этилади.
Ёрқин рангли этик ҳамда тана рангидаги колготка жуда яхши ечим бўлиши мумкин. Аммо ҳамиша ҳам эмас. Шунинг учун тажрибадан қўрқувчи ёки ўзини ноқулай ҳис этадиган хонимлар бу кўринишдаги этик билан қора ва қалин матоли колготкани танлаши мақсадга мувофиқ.
Жуда калта юбкалар билан узун ва ёпишиб турувчи этик оёқларни янада узун кўрсатиши табиий. Аммо бу кўриниш ҳозирда дидсизликнинг белгиси ҳисобланади. Ўта калта юбкалар билан бироз кенгроқ ва калта қисмдан иборат этик кийиш қуйидаги ҳолатдан ҳам чиройли кўриниш ҳосил қилади.
Классик услубдаги шимлар билан узун этик кийиш яхши комбинациясини таъкидламайди. Турли кўринишдаги классик шимлар билан олд қисми тўртбурчак ёки учли бўлган қишки пойабзаллар кийиш мумкин.
Этикнинг тепа қисми шимнинг устида бўлиши асосан, юқори қисм учун танланган костюмга боғлиқ. Албатта, бу борада дизайнерлар ўзлари учун мос ҳамда урфга монанд бўлган костюм кийишлари мумкин. Аммо шунчаки уларнинг маслаҳатига қулоқ тутган ҳолда кийиниш услубини яратаётганлар бундай кўринишдан эҳтиёт бўлгани яхши.
Баланд пошна ва учли кўринишдаги этиклар ҳеч қачон урфдан қолмаслиги яхши. Лекин уларни мода оламига кириб келаётган янги либослар билан уйғунлаштириш бироз қийинчлик туғдириши мумкин. Шунинг учун бу каби этикларни спорт услубидаги кийимлар билан кийиш тавсия этилмайди. Улар ҳам худди юқоридагидек костюмлар ҳисобига танлов қилинган шимлар билан кўпроқ мос тушади. Трикотаж матоли шимларни эса кўпроқ баланд платформали пойабзаллар билан кийиш мумкин.
Изоҳ (0)