Пандемия сабаб мазкур йилда юлдузлар аввалгидек кийиниш услуби, аксессуарлари, хусусан, сумкасини намоён қилиши учун фурсат бўлмади. Уйдан фақатгина дўкон ва зарур жойларгагина чиқа олган юлдузларнинг диди унчалик яхши эмаслигидан дарак берадиган сумкалари суратини тақдим қиламиз.
2020 йилнинг январида Лоис Уинстон фильм премьерасига лаб бўёғи идиши кўринишидаги сумка билан ташриф буюрган. Ушбу ноодатий шаклдаги сумкани ижодкор образига унчалик тушган деб бўлмайди.
Актриса Мэри Элизабет Уинстэд навбатдаги фильм тақдимотига ўзига хос образ танлаган. Қизил рангли либосига худди шу рангдаги нарда тоши кўринишини эсга соладиган сумка тутган.
«Рамона ва Бизус» фильмида бош қаҳрамон ролини ижро қилган Жоуи Кинг тақдирлаш маросимига Carolina Santo Dominga’дан кўк рангли сумка танлаган. Мазкур кўриниш ва шаклдаги сумкалар 2020 йил трендда бўлганига шубҳа йўқ, лекин камари айланиб кетавергани ҳисобига юлдузга ноқулайлик келтириб чиқарган.
Таниқли модель Ирина Шейк Нью-Йорк кўчаларини кроссовканинг таг қисмига ўрнатилгандек туюладиган сумка билан кезган.
Опа-сингиллар Перис ва Ники Хилтон «Соғлом юрак» ҳимоя акциясининг тадбирига ялтироқ либос ва ундан кам бўлмаган ялтироқ сумка танлаган. Перис сумкасининг шакли малаклар қанотини эсга солади. Никининг сумкаси устига эса миллиардер турмуш ўртоғининг фамилияси ёзилган.
80 йилларда машҳур бўлган италиялик Ромина Пауэрнинг кўриниши ҳам кийиниш услуби ҳам аввалгидек эмас. Буни суратда образига мос бўлмаган сумка тутиб олганидан ҳам билса бўлади.
Актриса Кэмерон Диас йил давомида Yves Saint Laurent’дан ихчам, аммо дидли деб баҳо бериб бўлмайдиган сумка тутган.
22 ёшли София Ричи Беверли-Хиллз кўчаларида мўйнали кул ранг сумка билан сайр қилмоқда.
Изоҳ (0)