Янги йилда янги либос кийиш анъанасига, айниқса, аёллар қаттиқ амал қилади. Байрам таътилидан сўнг ҳеч бўлмаганда бир дона кўйлак харид қилиб, иш ёки ўқишга кийиб бориш уларнинг одатига айланган. Демак, дид билан, шунингдек, урфга ҳам эътиборли бўлган хонимларга қуйида 7 услубдаги либос танлаш тавсия этилмайди.
Тўрли матодан тикилган кўйлак ёки кофталар урфдан қолганига анча бўлди. Аммо бундан бехабар аёллар ҳамон уларни сотиб олишни ва кийишни тўхтатгани йўқ. Қанчалар гўзал ва қимматбаҳо бўлмасин, бу каби кўринишдаги либосларни кийиш тавсия этилмайди.
Ушбу услуб бир неча йиллар аввал угги этиги билан жуда яхши комбинацияни ҳосил қилган эди. Аммо ҳозирда бундай эмас. Бу каби иссиқ ва қалин матодан калта ва кенг свитер кийиш ёшлар орасида урфга айланган.
Юлдуз Ким Кардашян урфга олиб кирган бундай тор ва ёпишқоқ либос ҳам ҳозирча трендда эмас. Ушбу либос қоматни ортиқча таъкидлайди ва бироз ноқулайликлар ҳам келтириб чиқариши мумкин.
Ушбу либос бир неча йиллар аввал, ҳаттоки ҳозирда ҳам қоматида камчилиги борлар томонидан мунтазам кийилади. Аммо унинг урфдан қолганига анча бўлди. Бўй ва қомати бинойидек хонимлар бу услубдаги либосларни кийиб, аксинча, ўзларини қўполроқ қилиб кўрсатиши мумкин. Яхшиси, уларга тўғри бичимдаги кўйлакларни харид қилиш тавсия этилади.
Бундай кўйлак белни таъкидлашни истовчилар томонидан жуда яхши кийилганди. Аммо ҳозирда бу каби образ бироз зерикарли. Сабаби дизайнерлар томонидан мазкур услубнинг ўрнини босувчи бошқа бичимдаги кўйлаклар аллақачон трендга айланган.
Мазкур кўринишдаги либос қимматбаҳо матолардан тикилган ҳашаматли кўйлакларга мос келади ва улар кўпроқ катта зиёфат ёки маросимларда кийилади. Оддийгина енгил ва юмшоқ матодан орқа қисми этагига нисбатан узун қилиб бичилган либослар қоматни хунук кўрсатмаса-да, шунчаки урфдан қолди.
Белдан пасти кенг тикилган юбкали кўйлаклар урфга кирганида ҳар қандай аёлнинг гардеробини эгаллаган эди. Шунинг учун ҳам ундан ҳалигача воз кечиш қийин бўлмоқда. Бундан 2-3 йил аввал ҳам трендда бўлган бундай кўйлак яна бир неча йилдан кейингина урфга қайтиши мумкин. Унгача бошқа либослардан фойдаланган маъқул.
Мавзуга доир:
Изоҳ (0)