Англия Премьер Лигаси ўтган ҳафтада олинган коронавирус тести натижаларини маълум қилди.
Ушбу вақт ичида АПЛ клубларининг футболчилари ва ходимларидан 2295 та тест олинди. Уларнинг 40 таси вирусга ижобий хулоса берган. Бу мавсум бошидан ҳисоблаганда рекорд натижа бўлди.
АПЛ мавсум давомида мунтазам жамоаларни текширувдан ўтказган ва натижаларни ҳам ҳафта эълон қилиб боради. Бунга қадар бир ҳафта ичида энг кўп кузатилган рақам 18 га тенг эди. Инфекция аниқланган шахслар 10 кун давомида изоляцияда бўлади.
Аввалроқ Премьер Лига доирасидаги бир қатор учрашувлар коронавирус сабаб қолдирилганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)