«Реал» ва жамоа ҳимоячиси Серхио Рамоснинг янги шартнома борасида музокараларига оид айрим тафсилотлар маълум бўлди.
Мадридликлар клуби футболчига иккита вариант таклиф қилмоқда: ҳозирги маошни сақлаб қолган ҳолда бир йиллик шартнома ёки маошни 10 фоизга камайтирган ҳолатда икки йиллик келишув, дея хабар қилмоқда El Chiringuito.
34 ёшли ҳимоячининг мадридликлар билан амалдаги шартномаси 2021 йилнинг ёзида ўз якунига етади. Рамос 1 январдан бошқа жамоалар билан расмий музокараларга киришиш ҳуқуқига эга бўлган.
Аввалроқ Рамосга «Манчестер Сити» ва ПСЖдан қизиқиш борлиги хабар қилинганди. Шунингдек, «Реал» Серхио билан маош борасида келиша олмаётгани айтилганди.
Рамос Ла Лига жорий мавсумида 13 ўйин ўтказиб, иккита гол уришга муваффақ бўлди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)