Футбол бўйича Англия Премьер Лигасининг 17-турида «Челси» 3 январь, якшанба куни «Манчестер Сити»ни қабул қилди.
Учрашув майдон эгаларининг ҳужумлари остида бошланган бўлса-да, биринчи бўлиб «шаҳарликлар» ҳисобни очди. 18-дақиқада Илкай Гундўған жарима майдони ташқарисидан аниқ зарба йўллаб, дарвозани ишғол қилди. Орадан уч дақиқа ўтиб Фил Фоден жамоасининг иккинчи голини урди. 34-дақиқага келиб Кевин де Брюйне ҳисобни йирик кўринишга олиб келди.
Иккинчи бўлимда ҳам Пеп Гвардиола шогирдлари вазиятни назорат қилди ва рақибга деярли имконият қолдирмади. Лондонликлар ҳакам томонидан қўшиб берилган вақтга келиб жавоб голини уришга эришди.
Мазкур ғалабадан кейин «Манчестер Сити» очколарини 29 тага етказиб олган ҳолда 5-ўринга кўтарилди. «Челси» (26) эса 7-поғонага тушиб кетди.
Яна бир учрашув «Ньюкасл» ва «Лестер» жамоалари ўртасида кечди. Унда «тулкилар» қийин ғалабани қўлга киритди.
АПЛ
17-тур баҳслари
3 январь, якшанба
«Челси» — «Манчестер Сити» 1:3
Голлар: 0:1 – 18 Гюндоган, 0:2 – 21 Фоден, 0:3 – 34 де Брюйне, 1:3 – 90+2 Ҳадсон-Одои.«Челси»: Менди, Зума, Аспиликуэта, Тиаго Сильва, Чилуэлл, Маунт, Ковачич (Ҳаверц, 77), Зиёш (Ҳадсон-Одои, 64), Канте (Гилмор, 64), Пулишич, Вернер.
«Манчестер Сити»: Стеффен, Рубен Диаш, Стоунз, Жоау Канселу, Зинченко, де Брюйне (Агуэро, 86), Фоден (Маҳрез, 86), Родри, Гундўған (Фернандиньо, 75), Стерлинг, Бернарду Сильва.
Огоҳлантиришлар: Пулишич (45), Канте (53), Ковачич (71), Бернарду Сильва (90).
«Ньюкасл» — «Лестер» 1:2
Голлар: 0:1 – 55 Мэддисон, 0:2 – 72 Тилеманс, 1:2 – 82 Керролл.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)