Футбол бўйича Испания Ла Лигасининг 17-турида «Атлетико» 3 январь, якшанба куни «Алавес» меҳмони бўлди.
Учрашувнинг 41-дақиқасида Маркос Льоренте мадридликларни олдинга олиб чиқди. Танаффусга қадар ҳисоб бошқа ўзгармади. 63-дақиқада майдон эгалари Виктор Лагуардианинг четлатилишидан кейин бир ўйинчи кам бўлиб қолди.
Ўйин якунланиши арафасида мезбонларнинг қарши ҳужумидан кейин Фелипе ўз дарвозасини ишғол қилиб қўйди ва ҳисоб тенглашди. Бироқ асосий вақтнинг сўнгги дақиқасида Луис Суарес Жоау Феликснинг узатмасидан кейин бўш дарвозани ишғол қилиб, жамоасига ғалаба келтирди.
Ушбу ғалабадан кейин «Атлетико» очколарини 38 тага етказиб олди ва пешқадамликка қайтди. Мадридликлар ҳисобида иккита захира ўйини бор.
Ла Лига
17-тур баҳси
3 январь, якшанба
«Алавес» — «Атлетико» 1:2
Голлар: 0:1 – 41 Льоренте, 1:1 – 84, автогол Фелипе, 1:2 – 90 Суарес.«Алавес»: Пачеко, Лагуардиа, Хави Лопес (Марин, 89), Агиррегабириа, Лежен, Сайнс (Риоха, 68), Мендес (Лукас Перес, 75), Батталя, Ману Гарсия (Тачи, 68), Хота, Дейверсон (Хоселу, 75).
«Атлетико»: Облак, Эрмосо, Хименес, Фелипе (Лоди, 88), Врсалко, Лемар, Коке, Карраско (Сауль, 82), Льоренте, Корреа (Жоау Феликс, 62), Суарес.
Огоҳлантиришлар: Карраско (29), Суарес (90+3).
Четлатиш: Лагуардиа (63).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)