Соғлиқни сақлаш вазирлиги томонидан берилган сўнгги маълумотларга кўра, 2021 йилнинг биринчи кунида 1644 нафар чақалоқ дунёга келди. Бу охирги 4 йилдаги энг кам кўрсаткич ҳисобланади.
Маълумот учун, 2018 йилнинг худди шу куни 1961 нафар, 2019 йилда 1708 нафар, 2020 йилда эса 1974 нафар чақалоқ туғилган эди.
2021 йилнинг 1 январь куни туғилган чақалоқларнинг 810 нафари қиз, 834 нафари эса ўғил бола бўлиб, энг кўп бола Фарғона вилоятида (202 нафар) дунёга келган.
- 2-ўринда — Қашқадарё вилояти (196 нафар);
- 3-ўринда — Самарқанд ва Наманган вилоятларида (169 нафардан);
- 4-ўринда — Жиззах вилоятида (151 нафар чақалоқ);
- 5-ўринда — Тошкент шаҳри (139 нафар);
- 6-ўринда — Тошкент вилояти (126 нафар);
- 7-ўринда — Сурхондарё вилояти (95 нафар);
- 8-ўринда — Андижон ва Бухоро вилоятлари (79 нафардан);
- 9-ўринда — Хоразм вилояти (71 нафар);
- 10-ўринда — Қорақалпоғистон Республикаси (66 нафар);
- 11-ўринда — Сирдарё ва Навоий вилоятлари (51 нафардан).
Мавзуга доир: Андижонлик 39 ёшли аёл 11-фарзандини дунёга келтирди
Изоҳ (0)