Андижон вилоятининг Булоқбоши туманида тўрт нафар фуқаро томонидан Тошкон кўчасида пул тикиб, хўроз уриштириш ўйини ташкиллаштирилганлиги аниқланиб, ўйин ташкилотчилари ушланди. Бу ҳақда «Дарё» мухбири Умиджон Мамарасулов хабар берди.
Андижон вилоят ИИБ ахборот хизмати хабарига кўра, 2020 йил 20 декабрь куни соат 18:00 да фуқаролар М.А., Ю.О., Б.Ш. ҳамда И.Т. 100 минг сўмдан пул тикиб, хўроз уриштираётганда қўлга олинган. Ўртага ташланган 386 минг сўм пул ва 5 дона хўроз далилий ашё сифатида ҳужжатлаштириб олинган.
Суриштирувлар давомида ушбу шахслар мавсумий иш билан шуғулланиши, хўроз ўйинидан эса қўшимча даромад топишни мақсад қилгани аниқланган.
Мазкур ҳолат юзасидан Маъмурий жавобгарлик тўғридасидаги кодекснинг 191-моддасида кўрсатилган ҳуқуқбузарлик аломатлари мавжудлиги боис тўпланган ҳужжатлар Булоқбоши туман маъмурий судига юборилган.
Изоҳ (0)