Макроиқтисодий барқарорлик иқтисодий ислоҳотларнинг мустаҳкам пойдеворидир. Шунинг учун келгуси йилда инфляциявий таргетлаш доирасида, нарх-наво ўсишини 10 фоиздан оширмаслик Марказий банк ва Ҳукуматнинг асосий вазифаси бўлади, деди Шавкат Мирзиёев.
«Бу борада глобал пандемия озиқ-овқат хавфсизлигини таъминлашга жиддий эътибор қаратиш зарурлигини яна бир бор тасдиқлади. Шунинг учун асосий озиқ-овқат маҳсулотлари нархининг кескин ошиб кетишига йўл қўймаслик мақсадида импорт соҳасидаги бож тўловлари бўйича берилган имтиёзлар яна бир йилга узайтирилади», — деди Президент.
«Умуман, халқимиз хотиржам бўлиши керак: сифатли озиқ-овқат маҳсулотлари ишлаб чиқариш, бу борада кафолатланган захирани яратиш ва уларни бозорга узлуксиз етказиб бериш ҳамда нарх-наво барқарорлигини таъминлаш ишларига устувор даражада эътибор қаратилади. Бунинг учун Ҳукумат ва ҳокимликлар томонидан барча чоралар кўрилади ҳамда бу масала Президентнинг доимий назоратида бўлади», — дея қўшимча қилди давлат раҳбари.
Шунингдек, Шавкат Мирзиёев 2021 йилда иқтисодиётнинг камида 5 фоизга ўсишини, бюджет дефицити ЯИМга нисбатан 5,4 фоиздан ошмаслигини таъминлаш, келгуси икки йилда эса бюджет дефицитини 2 фоиздан оширмаслик бўйича зарур чора-тадбирларни белгилаш лозимлигини айтиб ўтди.
Мавзуга доир:
- Шавкат Мирзиёев «Ватандошлар» жамғармасини ташкил этиш ва 30 июлни Ўзбекистонда «Халқлар дўстлиги куни» деб белгилашни таклиф қилди
- Ўзбекистонда юз берган табиий ва техноген офатлар жамоат хавфсизлигини таъминлаш тизимини такомиллаштиришни тақозо этмоқда — Шавкат Мирзиёев
- Андижонда 2021 йил номи ёзилган баннер Президент мурожаатномаси тугамай ўрнатилди
Изоҳ (0)