Ижтимоий тармоқларда 2020 йилнинг 25 декабрь куни «Самарқандда ҳайдовчилик гувоҳномаси бўлмаган фуқарога жарима келди» сарлавҳаси остидаги хабар тарқалди, дея маълум қилмоқда ЙҲХББ.
Хабар ўрганилганда, 2019 йил 8 июль куни Самарқанд вилояти ИИБ ЙҲХБ ЙПХ ходими Ф.Худойбердиев томонидан Самарқанд шаҳар, М.Улуғбек кўчасида пиёдаларга йўл бермасдан ҳаракатланган SAZ HC40 русумли автобус ҳайдовчиси Тоҳиров Саидисроил Акбар ўғлига нисбатан белгиланган тартибда баённома расмийлаштирилган.
Вилоят ИИБ ЙҲХБ ЙПХБ маъмурий амалиёт ходими О.Мўминов томонидан фуқаро Тоҳиров Саидисроил Акбар ўғлига нисбатан тузилган баённома КААТ марказлашган дастурига киритилиши вақтида ходимнинг эътиборсизлиги сабаб Иштихон тумани, «Зарбанд» ҚФЙда яшовчи фуқаро Тоиров Сардор Акбар ўғли маълумотлари билан тизимга хато киритилган ва жазо қўллаш тўғрисидаги жарима қарори чиқарилган.
ЙҲХББ хабарида Самарқанд вилояти Иштихон тумани «Зарбанд» ҚФЙда яшовчи фуқаро Тоиров Сардор Акбар ўғлига нисбатан чиқарилган қарор белгиланган тартибда бекор қилинганлигини ва хатоликка йўл қўйган ходимга нисбатан хизмат текшируви ўтказилаётганлигини маълум қилиб, йўл қўйилган камчиликлар учун узр сўралган.
Аввалроқ Сирдарёда 3 йил аввал вафот этган ҳайдовчига жарима келгани ҳамда Жиззахда хизмат машинаси йўл қоидасини бузган ЙПХ ходимига чора кўрилгани ҳақида хабар берилганди.
Изоҳ (0)