Хоразм вилояти Урганч шаҳрининг 4 та чорраҳаси қоидабузарликларни аниқловчи видеокузатув камералари ўрнатилди, дея хабар бермоқда ЙҲХББ.
Қайд этилишича, камералар:
- Ал-Хоразмий кўчаси билан Хонқа кўчаси кесишган чорраҳасига;
- Сайёд кўчаси ва Янги ариқ кўчаси кесишган чорраҳасига;
- Саноатчилар кўчаси ҳамда Янги ариқ кўчаси кесишган чорраҳасига;
- Паҳлавон Маҳмуд ва Тинчлик кўчаси кесишган чорраҳасига ўрнатилди.
Ушбу кузатув камералари ҳайдовчилар томонидан содир қилинаётган қоидабузарликлар, яъни светофорни тақиқловчи қизил чироғида ҳаракатланиш, пиёдаларга йўл бермаслик, қарамай қарши йўналишга чиқиш, узлуксиз 1.1 чизиғини босиш ва бошқа қоидабузарликларни аниқлайди ҳамда тегишли қарорлар манзилга жўнатилади.
Шу билан бирга, 5.42 йўл белгиси светофорни тақиқловчи қизил чироғида ўнгга ҳаракатланиш бундан мустасино.
Ушбу чорраҳаларда аниқланган қоидабузарликлар автоматлаштирилган тартибда марказий базага қайд этилади ва ЙҲХБнинг масъул ходимлари томонидан қайта кўриб чиқилиб, Маъмурий жавобгарлик тўғрисидаги кодексининг 309-моддаси асосида махсус автоматлаштирилган фото ва видео қайд этиш техника воситалари орқали йўл ҳаракати қоидалари бузилганини қайд этилган ҳолларда жарима солиш тўғрисидаги қарор маъмурий ҳуқуқбузарлик содир этган шахснинг иштирокисиз чиқарилади.
Аввалроқ Тошкент кўчаларида пайдо бўлган кўчма камералар бўйича изоҳ берилгани, Ўзбекистонда тадбиркорларга йўлларга камера ва радарлар ўрнатиш ҳуқуқи берилиши ҳамда Фарғонада йўл ҳаракати қоидабузарликларини қайд этувчи камералар ишга тушгани ҳақида хабар берилганди.
Изоҳ (0)