Фарғонада Nexia билан тўқнашган Tracker автомобили ёниб кетди, дея хабар бермоқда ЙҲХББ.
Маълум қилинишича, 2020 йилнинг 26 декабрь куни соат 05:30 ларда Фарғона вилояти Бувайда тумани ҳудудидан ўтган А-373 Тошкент—Ўш автомобиль йўлининг 313-километрида ҳайдовчи, 1975 йилда туғилган Б.А. Tracker русумли автомобилни бошқариб кетаётиб, эҳтиётсизлиги оқибатида ўзи билан бир йўналишда, олдинда ҳаракатланиб кетаётган ҳайдовчи, 1997 йилда туғилган У.Б. бошқарувидаги Nexia русумли автомобилнинг орқа қисмига бориб урилган.
ЙТҲ оқибатида Tracker русумли автомобилда ёнғин юзага келган.
Тўқнашув натижасида Nexia русумли автомобиль йўловчиси, 21 ёшли М.Б. тан жароҳати олиб шифохонага ётқизилган.
Мазкур ЙТҲ юзасидан туман ИИБ ТБ томонидан Жиноят кодексининг 266-моддаси 1-қисмига кўра (транспорт воситасини бошқарувчи шахс томонидан транспорт воситалари ҳаракати ёки улардан фойдаланиш хавфсизлиги қоидаларини бузиш баданга ўртача оғир ёки оғир шикаст етказилишига сабаб бўлиши) жиноят иши қўзғатилиб, дастлабки тергов ҳаракатлари олиб борилмоқда.
Аввалроқ Наманганда 4 нафар ўсмир сайр қилиб келиш баҳонасида Spark’ни олиб қочиб, ЙТҲга учрагани, Самарқандда 14 ёшли бола бошқарувидаги Tracker ЙТҲга учраши оқибатида ҳайдовчининг тенгдоши вафот этгани ҳамда Пахтачида йўлни белгиланмаган жойдан кесиб ўтаётган пиёдани Spark уриб кетгани ҳақида хабар берилганди.
Изоҳ (0)