Ўзбек мухлислари қалбидан жой олган, маҳоратли ижроси, истеъдоди ва ташқи кўриниши билан севимлига айланган актёр ва актрисалар қанча даромад топиши ҳақида маълумот бериб ўтамиз.
Энгин Акюрек
«Пул ва гул ишқи» сериалида суратга тушган Энгин ўзбек мухлисларига «Элчининг қизи» сериали орқали яхши таниш. Ушбу фильмда Санжар ролини гавдалантириш учун Акюрек 1 170 000 лира (тахминан, 1 540 004 доллар) миқдорида гонорар олган. Биргина қисм учун 90 000 лира (тахминан, 12 минг доллар) олган.
Неслиҳан Атагул
«Севги изтироби» сериалидаги роли билан яхши таниш бўлган Неслиҳан «Элчининг қизи»да Энгин билан бирга суратга тушган. У бир қисмдаги иштироки учун 65 минг лира (8500 доллар) миқдорида гонорар олади. 27 ёшли актрисанинг айтишича, сериаллардаги иштироки унга келажак учун молиявий пойдевор қўйишга ёрдам беради.
Энгин Алтан
«Эртуғрул: Тирилиш» сериалидаги иштирокидан кейин машҳурликка эришган Энгин телеканаллар билан аллақачон келаси йил учун шартнома имзолаган. Унинг бир қисмда суратга тушиш учун оладиган гонорари 110 минг лира (14 500 доллар)ни ташкил этади.
Бурчин Терзиоглу
Энгиннинг 2019 йилда суратга олинган «Ўқ» сериалидаги ҳамкасбига сериалнинг бир қисмида суратга тушиш учун 70 000 лира (9000 доллар) миқдорида маблағ тўланади.
Танер Олмез
«Косем» сериалидан кейин узоқ вақт қизиқарли сериаллардан таклиф кутишига тўғри келган Танер 2019 йилда «Ғаройиб доктор» сериалида бош қаҳрамон сифатида суратга тушган. Актёр саванта синдроми бор, аммо маҳоратли жарроҳ ролини гавдалантирганига 1 қисм учун 35 минг лира (4500 доллар) гонорар олган.
Мурат Йилдирим
«Осиё», «Чексиз севги», «Севги ва жазо» фильмларидаги ижроси билан яхши таниш бўлган актёр ATV каналида «Ким миллионер бўлишни истайди?» дастурига бошловчилик қилиб 90 минг лира (12 000 доллар) гонорар олган. «Рамо» сериалида иштирок этиш учун Мурат Show TV канали билан ҳамкорлик қила бошлаган. Аммо унинг ушбу сериалдан қанча олиши маълум эмас.
Акин Акинозу
«Беқарор» сериалининг бир қисмида суратга тушиш учун Акин 45 минг лира (5800 доллар) гонорар олади. Бу лойиҳадаги энг кўп тўланадиган маблағ.
Эбру Шаҳин
Акиннинг «Беқарор»даги ҳамкасби Эбруга эса бир қисмда суратга тушиш учун актёрдан 15 минг кам, яъни 30 минг лира (4000 доллар) тўланган.
Изоҳ (0)