Ўн йиллик қамоқ жазосига маҳкум этилган «Эронлик Анжелина Жоли» номи билан машҳур интернет юлдузи Саҳар Табар (асли исми-шарифи Фотима Хишванд) озод қилинди. Бу ҳақда Daily Mail хабар бермоқда.
Маълумотларга кўра, Хишванд суддан бир неча кун ўтиб озод қилинган. Эронлик журналист Масих Алинежад қизнинг озодликка чиқарилишини ҳукмга нисбатан жамоатчилик орасида пайдо бўлган норозилик билан боғлаган.
Шундан сўнг Фатима Хишванд «Рокна» давлат телеканалига интервью беришга ҳам муваффақ бўлган. «Ишончим комилки, энди Instagram’да саҳифа очиш уёқда турсин, ушбу дастурни ҳаттоки телефонимга ҳам ўрнатмайман», − дея фикр билдирган 14 ойни панжара ортида ўтказган Хишванд.
Эслатиб ўтамиз, Хишванд динни таҳқирлаш, зўравонликни қўзғатиш, мумкин бўлмаган йўллар билан даромад олиш ва ёшлар орасида коррупцияни ривожлантиришда айбланиб, 10 йиллик қамоқ жазосига маҳкум этилган эди.
Изоҳ (0)