Turk kino ijodkorlari tomonidan taqdim qilingan seriallarda soxta turmush va munosabatlar ko‘p uchraydi. Bir-biriga samimiy munosabatda bo‘lmagan ikki kishi o‘rtasida sevgi uchqunlari paydo bo‘lishi esa tomoshabinlar uchun hamisha qiziq bo‘lgan. Hayotda hamma narsa bo‘lishi mumkin ekani singari seriallar sujeti ham bir-biridan farq qilishi, tomoshabin xayoliga kelmagandek yakun topishi mumkin.

Jenk va Jemre “Zolim Istanbul” (Ozan Dolunay, Sera Kutlubey)

Foto: “Yandeks Dzen”

Ushbu serialni tomosha qilgan tomoshabinlar soxta turmush haqiqiyga aylanishini, Jemre Jenkni aqldan ozadigan darajada yaxshi ko‘rishini tushunib yetishini juda ham istagan va uni tanlamasligi mumkinligi xayolining ko‘chasiga ham kelmagan. Ammo voqealar rivoji bu kabi o‘y-xayollarga shubha oralashiga sabab bo‘lgan. Muxlislar uchun sevimli bo‘lgan qahramonlar taqdiri kutilgandek bo‘lmaydi. Jenk, Jemreni qanchalik yaxshi ko‘rmasin, qiz uning tuyg‘ulariga samimiy javob bermaydi va soxta turmush ajrashish bilan yakun topadi.

Nedim va Jeren “Zolim Istanbul” (Berker Guven va Bahor Shahin)

Foto: “Yandeks Dzen”

Jeren, Nedimning nogironlar aravachasida ekanligiga qaramay, turmushga chiqqani va qanday vaziyatda to‘y bo‘lgani serial muxlislariga yaxshi ma’lum. Nedim, Jemreni astoydil yaxshi ko‘rgan bo‘lsa ham ular o‘rtasida samimiy munosabatlar bo‘lishi haqida hech kim taxmin ham qilib ko‘rmagan. Ammo serialning ikkinchi mavsumida Nedim oyoqqa turganidan keyin ular o‘rtasida sevgi paydo bo‘lishini avvalgidek imkonsiz tuyulmay qolgan, hatto ularning birga bo‘lishini istaydigan muxlislari ham paydo bo‘lgan. Sujetda ham go‘yo shunga ishora qilingandek bo‘lgan: Jeren sudda Nedimni himoya qilgan, Nedim unga kompaniyasini ishonib topshirgan. Tomoshabinlar hislar alanga olishini kutgan edi, ammo Nedimning Jemrega, Jemrening esa o‘z manfaatlariga bo‘lgan sevgisi g‘alaba qozonadi.

Mete va Oyku “Olcha mavsumi” (Dagxan Kulegech va O‘zge Gurel)

Foto: “Yandeks Dzen”

Serial sujetiga ko‘ra Oyku bolaligidanoq Meteni yaxshi ko‘rgan, ammo unga turmushga chiqqanida Ayozga ko‘ngil qo‘ygan. Aslida u to‘y Ayaz bilan bo‘lishi kerak edi. Ammo soxta turmushga otasining kasal ekani va qizining to‘yini ko‘rish azaliy orzusi ekani sabab voqealar boshqacha tus oladi. Gap shundaki, Ayaz o‘zining to‘yiga kela olmaydi va kuyov Mete bo‘ladi. Soxta turmush ko‘pga bormaydi va oxiri bekor qilinadi.

Xazim va Eje “Fazilat xonim qizlari” (Mahir Gunshiray va Afra Saracho‘g‘li)

Foto: “Yandeks Dzen”

Ejeni otasi hatto buvasi tengi bo‘lgan ko‘ngilchan Xazim, qizning farzandi to‘la-to‘kis oilada dunyoga kelishi uchun soxta turmushga rozi bo‘ladi. Ularning yoshi o‘rtasidagi katta tafovut borligi va Eje boshqa bir insonni sevgani sabab hech kim samimiy tuyg‘ular haqida taxmin ham qilmagan. Xazim esa oliyjanob erkak sifatida Ejeni himoya qilgan va asrab-avaylaydi. Serial so‘ngida esa Eje o‘zi ko‘ngil qo‘ygan inson bilan qoladi.

Amir va Nihon “Sevgi iztirobi” (Kaan Urganjio‘g‘li va Neslixan Atagul)

Foto: “Yandeks Dzen”

5 yil davom etgan soxta turmush, aqldan ozadigan darajadagi sevgisi ham Nihonni, Amirning tuyg‘ulariga samimiy javob berishiga yordam bera olmagan. Ammo Amir buni bilib turib ham uni sevishdan to‘xtamaydi. Serial oxiri esa yaxshilik bilan tugamaydi.