Собиқ теннисчи Мария Шарапова ўзининг Instagram саҳифасида унаштирув ҳақда маълум қилди.
«Алвидо, теннис олами! Салом, оилавий ҳаёт!». 2020 йил Мария Шарапова ўз ҳикоясида спорт бўлимини тугатибгина қолмай, янги ва жуда яхши саҳифаларни оча бошлади.
2020 йил 17 декабрда дунёнинг биринчи собиқ теннисчиси Мария Александр Гилкс билан унаштирилганини эълон қилди. «Бу бизнинг илк учрашган кунимизданоқ кичик сир эди», − деб ёзади Мария Instagram саҳифасида. «Мени жуда-жуда хурсанд қилганинг учун ташаккур. Мен бутун ҳаётим давомида сени севишни ва буни сендан ўрганишни истайман», – дейди жавобан Гилкс.
Маълум бўлишича, Мария бўлажак турмуш ўртоғи билан икки йилдан буён учрашиб келган. Биринчи марта спортчи қиз ва британиялик тадбиркор орасидаги ишқий муносабат ҳақида 2018 йил жуфтликнинг Лос-Анжелес аэропортида тушган суратидан сўнг гапирилган эди.
Аммо Мария ва Гилкс ўзларининг ҳис-туйғуларини оммага аён қилиши учун бироз вақт керак бўлди. Улар илк бора орадан бир йил ўтиб, 2019 йил 25 апрелдагина биргаликда кўриниш берган.
Аммо бу Мария Шарапованинг биринчи унаштирилиши эмас. 2010 йил у словениялик баскетболчи Саша Вуячич билан унаштирилганини маълум қилган эди. Уларнинг муносабати никоҳгача етиб бормаганлиги учун ҳам бу сафар спортчининг мухлислари ҳаммаси яхши бўлишига умид қилмоқда.
Шунингдек, Британия шаҳзодаси Гаррининг дўсти бўлган Александр Гилкс ҳам аввал Меган Марклнинг яқин дугонаси − дизайнер Миша Нону билан турмуш қурган ва 4 йил мобайнида у билан бир оила бўлиб яшаган.
Изоҳ (0)