БАА ҳукумати барча фуқаролар ва мамлакат резидентларига шу ойда фойдаланишга рухсат берилган Хитойнинг Sinopharm вакцинаси билан бепул эмланишни таклиф қилди. Вакцина касалхоналар ва шу мақсадда очилган махсус тиббиёт муассасаларига келтирилган, деб хабар бермоқда «Коммерсантъ», Financial Times’га таяниб.
Хитойнинг коронавирусга қарши Sinopharm вакцинаси БААда 31 минг нафар кўнгиллида синовдан ўтказилган ва 86 фоиз самарадорлик кўрсатган.
БААда жами 1 миллион нафар фуқаро ва резидент мақомига эга 8 миллиондан ортиқ турли давлатлар фуқаролари истиқомат қилади.
Эмлаш дастури ихтиёрий, аммо ҳукумат унда барчани иштирок этишга қатъий чақирмоқда. Дубай амири Муҳаммад ибн Рошид Ал-Мактум ўзининг Twitter’даги саҳифасида унга вакцина қилинаётгани акс этган суратни атайин жойлаштирган.
Жонс Ҳопкинс университети маълумотларига кўра, БААда пандемия бошидан буён 1,7 миллион киши коронавирусга чалинган, 639 киши вирус қурбони бўлган.
Изоҳ (0)