«Манчестер Юнайтед» Англия чемпионати доирасида 20 декабрь куни «Лидс»га қарши баҳс олиб борди ва 6:2 ҳисобида ғалабага эришди.
Учрашувнинг дастлабки уч дақиқасида мезбонлар ярим ҳимоячиси Скотт Мактоминей дубль қайд этди. Шу тариқа Мактоминей 3-дақиқага келиб иккита гол уришга эришган Премьер Лига тарихидаги илк ўйинчига айланди.
Шотландиялик футболчи бу ўйинга қадар Премьер Лига 2020/21 йилги мавсумида ҳали гол ура олмаганди.
Шунингдек, ушбу баҳсда Бруну Фернандеш ҳам дубль қайд этди ва битта голли узатмага муаллиф бўлди. Бу португалиялик футболчи учун АПЛ жорий мавсумидаги 9-гол ва бешинчи голли узатма бўлди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)