“Manchester Yunayted” Angliya chempionati doirasida 20-dekabr kuni “Lids”ga qarshi bahs olib bordi va 6:2 hisobida g‘alabaga erishdi.
Uchrashuvning dastlabki uch daqiqasida mezbonlar yarim himoyachisi Skott Maktominey dubl qayd etdi. Shu tariqa Maktominey 3-daqiqaga kelib ikkita gol urishga erishgan Premyer Liga tarixidagi ilk o‘yinchiga aylandi.
Shotlandiyalik futbolchi bu o‘yinga qadar Premyer Liga 2020/21-yilgi mavsumida hali gol ura olmagandi.
Shuningdek, ushbu bahsda Brunu Fernandesh ham dubl qayd etdi va bitta golli uzatmaga muallif bo‘ldi. Bu portugaliyalik futbolchi uchun APL joriy mavsumidagi 9-gol va beshinchi golli uzatma bo‘ldi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)