АПЛ. «Манчестер Юнайтед» 8 та гол урилган ўйинда Марсело Бьелса шогирдларини тор-мор келтирди
Футбол бўйича Англия Премьер Лигасининг 14-турида «Манчестер Юнайтед» 20 декабрь, якшанба куни «Лидс»ни қабул қилди.
Учрашувнинг дастлабки дақиқаларидаёқ Скот Мактоминей икки бор меҳмонлар дарвозасини ишғол қилди. 20-дақиқада Бруну Фернандеш ҳисобни йирик кўринишга олиб келган бўлса, 37-дақиқада Виктор Линдельоф жамоасининг тўртинчи голини урди. Бунга «Лидс» вакиллари биринчи бўлимда Лиам Купернинг голи билан жавоб қайтарди.
Иккинчи бўлим ҳам голларга бой бўлди. 66-дақиқада Дэниэл Жеймс ўз ҳисобига гол ёздириб қўйди, орадан кўп ўтмай Фернандеш пенальтини аниқ амалга оширган ҳолда дублини нишонлади. 74-дақиқада Стюарт Даллас узоқ масофадан аниқ зарба йўллаб, меҳмонларнинг иккинчи тўпини киритди. Қолган вақтда ҳисоб ўзгармади.
Шу тариқа ушбу ғалабадан кейин Оле-Гуннар Сульшер шогирдлари очколарини 26 тага етказиб олган ҳолда 3-ўринга кўтарилди. Пешқадам «Ливерпуль»дан 5 очко ортда бораётган «қизил иблислар»да битта захира ўйини мавжуд. «Лидс» (17) эса 14-поғонада қолди.
АПЛ
14-тур баҳслари
20 декабрь, якшанба
«Манчестер Юнайтед» — «Лидс» 6:2
Голлар: 1:0 – 2 Мактоминей, 2:0 – 3 Мактоминей, 3:0 – 20 Бруну Фернандеш, 4:0 – 37 Линдельоф, 4:1 – 41 Купер, 5:1 – 66 Жеймс, 6:1 – 70, пенальти Бруну Фернандеш, 6:2 – 73 Даллас.«Манчестер Юнайтед»: Де Хеа, Магуайр, Уан-Биссака, Шоу (Теллес, 60), Линдельоф, Жеймс, Фред, Бруну Фернандеш (ван де Бек, 71), Мактоминей, Марсьяль, Рэшфорд (Кавани, 71).
«Лидс»: Меле, Эйлинг, Даллас, Купер (Дэвис, 72), Клих (Шеклтон, 46), Ҳаррисон, Алиоски, Филлипс (Стрейк, 46), Рафинья, Бемфорд, Родриго.
Огоҳлантириш: Жеймс (52).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
