Буюк Британияда коронавирусга чалингани сабаб етти ой касалхонада ётган эркак соғайди. Шифокорлар уч маротаба унинг ҳаётни таъминловчи тизимлардан узиб қўйишга уринган, деб ёзади The Mirror.
57 ёшли Али Сакаллиоғли 222 кун давомида касалхонада даволанган ва шифокорлар унинг беш нафар фарзандига уч маротаба отаси билан хайрлашишни маслаҳат берган. Бироқ улар отасининг ўлишига йўл қўймай, шифокорлардан унинг ҳаётини сақлаб қолиш мақсадида охирги илинж сифатида койка-ўринга қорни билан ётқизишларини сўраган. «Фақатгина умидимиз бор эди ва у таслим бўлмаслигини билардик», — дейди беморнинг ўғли.
Али ўтган ой уйига қайтган ва отанинг қайтиши оиласининг барча аъзоси учун энг ажойиб совғага айланган. Эркак Рождество байрамини ўғли ва 52 ёшли суюклиси Шина билан нишонлаш ниятида. Шунингдек, у таксичи сифатида ишини давом эттириш учун вакцина олиш ниятида.
Аввалроқ АҚШда бемор икки ойлик комадан кейин COVID-19’дан соғайгани тўғрисида хабар берилганди.
Изоҳ (0)